Khutbah Idula Adha 1443 H : Kateladanan Ibrahim & Ismail dina Ngalarapkeun Parentah Alloh SWT

 

KHUTBAH IDUL ADHA : 

Kateladanan Ibrahim & Ismail dina Ngalarapkeun Parentah Alloh SWT

Ridwan Taufiq

Assalaamu alikum wr. wb

الله اكبر 9x

الله اكبر كبيرًا والحمد لله كثيرًا وسبحان الله بكرة واصيلا .

   الله اكبر (ثلاثا) الحمد لله القديم وجنوده , العميم فضله وجنوده , خالق الافلاك ومدبرها وبادى الاشياء ومصورها.

احمده واشكره علي ادراك ذىالحجة ويوم عرفة.

واشهد ان لااله الاالله وحده لاشريك له , واشهد ان محمدا عبده ورسوله نبي ارسله الله بالرحمة والرئفة.

اللهم فصل وسلم وبارك علي محمد وعلي اله واصحابه اولى التوى والمعرفة , وسلم تسليما كثيرا .

ايهاالناس اتقواالله حق تقاته ولا تموتن الا وانتم مسلمون .

 

(Muqoddimah)

Kaum Muslimin, sidang Ied rahimakumulloh

Sumangga urang sambut dongkapna idul adha taun ieu kalawan ngumandangkeun takbir sareng tahmid,

anu dilandasan ku rasa ‘Syakiron wa mutawadhi’an’

tegesna rasa sukur kalawan dibarengan

ku sikap depe-depe, rendah di payuneun Alloh SWT anu maha Gagah.

 

ALLOHU AKBAR, ALLOHU AKBAR,

LAAILAHA  ILLALLOHU, ALLOHU AKBAR

ALLOHU AKBAR, WALILLAHILHAMD.

Kaum Muslimin, sidang Ied rahimakumulloh

Panggerona Alloh, pikeun nunaikan ibadah haji senantiasa ngagugah kasadaran urang sadaya,     kumna, umat islam sa antero jagat bumi.

 

Dina musim haji ayeuna,

Sabada na dua taun kapengker urang sadaya

Dipaparin ujian pandemi covid-19.

alhamdulillaah dina taun ieu, jutaan kaum muslimin, para wagri urang sadaya, parantos dongkap, rempak merbayaksa ka tanah suci, MAKKAH  AL-MUKARROMAH.

 

Aranjeuna, berbondong-bondong, berduyun-duyun, napak perjalanan anu melelahkan, mentas samudera, nembus angkasa raya, dina mangrupa-rupa cuaca, sareng iklim anu berobah,

Aranjeuna, wargi urang sadaya, hamo ngitung-ngitung kana sagala kasulitan srg hambatan eta.

 

Resiko naon bae,  nu dituntut pikeun nedunan panggero Alloh, parantos siap dihadepan.

Sabab kokohna kaimanan sarta dorongan pangabdian, anu ngagedur dina dada sarta jiwa aranjeuna.

 

Pengobanan dina ngalaksanakeun rukun islam kalima ieu, dianggap perkara leutik anu teu aya hartina, dibanding  leubeutna kacinta aranjeuna terhadap Alloh SWT.

 

Margi kitu, pantes sareng payus pikeun urang sadaya, ngirimkeun doa, mugia Alloh SWT nampi kana pengabdian sareng pengorbanan wargi sadaya,

 

 

 

sarta ngajadikeun ibdah haji na, haji anu mabrur. Sabab Kamabruran haji, anu baris nempatkeun aranjeuna kana sawarga.

والحج المبرور ليس له جزاء الا الجنة

“Sareng ari haji mabrur, teu aya balesannana kajaba surga”  (H.R. Bukhori-Muslim).

 

ALLOHU AKBAR, ALLOHU AKBAR, WALILLAHILHAMD.

Kaum Muslimin, sidang Ied rahimakumulloh

Menjelang sholat id, Suara gema takbir, tahlil, sareng tahmid berkumandang. Di masjid, di mushola, di bumi-bumi, di media sosial, oge di tempat-tempat sejena.

 

Kadangu ku urang sadaya kalimat ‘ALLOHU AKBAR’ anu ngadung maksud ‘Alloh Anu maha Agung’, disusul ku kalimat ‘LAA ILAAHA ILLALLOH’ , ‘teu aya pigusti lintang Alloh. Oge dipungkas ku bacaan ‘WA LILLAAHILHAMD’ ,sareng sadaya puji kagungan Alloh’.

 

Kalawan kalimat takbir ‘ALLOOHU AKBAR’, Alloh anu maha Agung, sumangga urang tancebkeun dina kanyataan kahirupan urang sadaya, ngenaan kebesaran Alloh, kaagungan Alloh, Alloh anu paling pantes ngagaduhan sifat Gumede, lian ti Alloh, tegesna urang sadaya sebagai hamba, teu pantes boga sifat gumede, takabbur, asa bener sorangan, asa pang surgana, jeng sajabana.

Sabab lian Alloh SWT, sadayana leutik.

 

Naon rupi hal anu jadi kabanggaan uang sadaya,

boh kamegahan harta, kaluhuran pangkat-jabatan, sareng kamewan dunya lainna, sadayana leutik teu aya hartina sama sakali, dibanding kaagungan Alloh Ta’ala.

 

Teu aya perluna urang sadaya ngabanggakeun harta, teu aya pantesna urang sadaya nyombongkeun diri, dina pangkat-darajat,

oge teu aya patutna urang sadaya mamerkeun kabisa jeung kaahlian, sabab sadayana leutik teu aya hartina dibanding kaagungan Alloh SWT.

 

Maka, kalawan kalimat LAA ILAHA ILLALLOH, pantes pikeun urang sadaya ngayakinkeun,yen  teu aya nu dipigusti, anu patut dipisembah lintang Alloh anu maha Gagah.

 

Dipungkas ku kalimat WALILLAHILHAMDU, teu ayan pinuji pikeun urang sadaya, sabab puji mung kagungan Alloh.

Teu aya celah pikeun urang sadaya ngabogaan sikap sombong, teu aya lawang pikeun urang sadaya ngabogaan sikep takabbur, boga rasa pang benerna sorangan, egois, teu bisa narima pendapat batur. Sabab dirina boga rasa pinuji sareng angkuh.

Padahal Alloh SWT maparin perhatian:

ولا تصعر خدك للناس ولا تمش فى الارض مرحا , ان الله لايحب كل مختال فخور

 

“ jeung poma ulah rek ngabalieurkeun beungeut anjeun (mesem) ti pada jalma, jeu ulah rek leumpang anjeun di ieu bumi (ngagegag) kalawan angkuh. Saestuna Alloh hanteu misuka jalma-jalma anu sombong jeung ngabanggakeun dirina “.

 

 

ALLOHU AKBAR, ALLOHU AKBAR, WALILLAHILHAMD.

Kaum Muslimin, sidang Ied rahimakumulloh

Disarengan lantunan takbir mangsa tadi, ngagema saantero jagat bumi, bari disambut untaian kalimah talbiyah :

Labaikalohu labaik labaika laa syarika labaik

Dikumandangkeun jutaan kaum muslimin di tanah suci.

 

Sagedengen marengan ieu kajadian, dinten ayeuna ping 10 Dzulhijah, nu disebat Idul Adha, ngamilik harti mibanda makna ‘kembali kana pengorbanan’.

Sakedap deui, getih-getih anu suci tina sato kurban,

Bakal ngocor, ngalir ngahanyutkeun titik-titik noda hidueng, dina hate urang sadaya.

 

Eta getih-getih sato teh engke,

bakal nebarkeun seungit jalinan kaasih

kanyaah jeung kadeudeuh pikeun sasama urang, kalawan ngagambarkeun rona cahaya kabungah, ceria dina wajah-wajahna maranehna,

terjalin kebersamaan sosial diantara urang sadaya.

 

ibadah kurban syarat kalwan makna sareng hikmah, ngaundel pirang-pirang tujuan, anu kacida perluna, pikeun ningkatkeun kualitas urang sadaya sebagai seorang muslim, baik dina kahirupan individu atawa kahirupan bersosial.

Rosululloh SAW ngadawuh :

واليوم العاشروهويوم الاضحى . من قرب قربانا فيه فباول قطرة قطرت من دمه غفرالله له ذنوبه وذنوب عياله

“ jeung ari dinten kasapuluh, nyaeta poenan kurban. Sing saha jalma anu ngalaksanakeun kuban, maka ti ngawitan tetesan getih anu ngocor (ragrag kana tenuh) Alloh baris nembrakeun Maghfiroh (panghampura) tina sagala dosa diina sareng dosa kulawargana “

 

Bahkan satiap lembar bulu hewan anu dikubankeun, mawa hijian kahadean :

Wa bikulli sya’rotin minash shoufi hasanah

“ satiap lembar bulu herwan kurban, bakal jadi hiji kahadean” (HR. Ahmad dan Ibnu Majah).

 

Bagja kacida jalma anu ngagaduhan kalapangan rezeki,

Bungah nu teu aya papadana kanu kagungan harta, sabab kalawan eta harta anu melimpah,

sanes diange kango poya-poya

lain digunakeun kana kabanggaan sareng kaagulan, hayang kapuji di antara papada jalma,

tapi Rezekina eta dilarapkeun dina rasa syukur, rezekina disanggakeun kanu kagungana,

nyatana Alloh Anu Maha Kaya,

ku jalan ngalaksakeun kurban.

 

Ngan kacida rugina jalma, mun seg ngabogaan harta, lubak libuk, bru di juru bro di panto, ngalayah di tengah imah, artosna tersembunyi di mana-mana kantun ngagesek (dina ATM),

Tapi teu ngalaksanakeun kurban, Rosululloh maparin peringatan:

Man wajada s’atan falam yudhohhi, falaa yaqrobanna mushollana

“Sing saha jalma anu ngabogaan kamampuan pikeun kurban, tapi manehna teu ngalaksanakeun, maka (diusir ku nabi) manehna ulah rek deukeut-deukeut ka tempat sholat kami”

 

Padal panutan urang sadaya, kanjeng Nabi Muhammad maparin jaminan:

الا الاضحية من الاعمال المنجية ينجى صاحبها من شرالدنيا والاخرة .

“ eling-eling, saestuna ngalaksankeun kurban mangupakeun amalan penyelamat, anu bais nyalametkeun jalma tina kaawonan dunya rawuh akhirat “.

 

ALLOHU AKBAR, ALLOHU AKBAR, WALILLAHILHAMD.

Kaum Muslimin, sidang Ied rahimakumulloh

Patula patali sareng ibdah kurban, sumangga urang muka sajarah pengobanan seorang hamba Alloh.

 

Urang sakedap menengenang hiji insan, tegesna sosok manusa mulya, anu diutus ku Alloh,nabi katut rosul urang sadaya,

Ibahim sareng kulawargana, tegesna Ismail nu janten putrana, sareng siti Hajar istrina.

 

Kaagungan kapribadian anu dipimilik dina diri nabi Ibahim, ngajadikeun pikeun urang sadaya, bahkan nabi Muhammad SAW nyalira, kedah mampu miconto,  tuladan pikeun urang sadayana. Alloh SWT ngaabadikeun dina al-Qur’an :

قد كانت لكم اسوة حسنة فى ابراهيم والذين معه

“ temen kabuktian aya suri tauladan pikeun aranjeun kabeh (wahai manusa) , dina diri Ibahim sarta jalma-jalma anu nyarengan anjeuna “

 

Ku urang sadaya kadangu, kabaca,kagambar, kabayang, kumaha pengobanan, ujian anu menimpa Ibrahim. Diparentah ngurbankeun nu janten putrana, kameumeut ati, …. Ismail, panutan rasa, nu tos didamba-damba ti beh ditu, diparentah ku Alloh kudu dipencit.

 

Alloh Ta’ala ngaabadikeun sejarahna dina al-Qur’an (Ash-shofat:100-120):

رب هبلى من الصالحين .

“nalika Ibrohim ngado’a: Ya Robb,mugi gusti nganugrahkeunka jisim abdi, putra anu sholeh”

 فبشرناه بغلام حليم .

“maka Kami maparin berita gumbira, tegesna hiji anak anu sabar katut sholeh”

فلما بلغ معه السعي قال يا بني انى ارى فى المنام اني اذبحك  فانظر ماذاترى .

“maka nepi kana usia 13 taunan, Ibrahim cumarios:’yeuh anaking saenyana ieu apa ngimpi, kengeng wahyu ti Alloh, supaya meuncit hidep, jadi korban. Kumaha numutkeun hidep!”

(bari ngalengis nabi Ibrahim, komunikasi antar dua hamba, seorang bapak sareng putrana)

قال يا ابت افعل ما تؤمر ستجدنى ان شاءالله من الصابرين

Ismail ngawaler: ‘Apa, prak laksanakeunnaon anu diparentah ku Alloh!

InsyaAlloh, Apa baris mendakan abdi ti golongan jalma anu sabar’

(luar biasa, waleran seorang anak kanu jadi ramana, ngayakin keun kana wahyu nu dongkap ka Ibrahim)

فاما اسلما وتله للجبين

Saparantosna eta bapak jeung anak tumamprah ka Alloh, Ibrahim ngegolerkeun nu jadi putrana sagigireun damisna.

 وناديناه ان ياابراهيم قد صدقت الرؤيا انا كذلك نجزالمحسنين .

Kami ngagero: wahai Ibrahim, anjeun geus ngayakinkeun kana ieu wahyu.

Saestuna Kami baris ngaganjar ka jalam anu migawe kahadean.

ان هذا لهو البلاء المبين .

Oge saestuna hal ieu teh mangrupakeun ujian anu nyata.

وفديناه بذبح عظيم .

Maka kami nebus ka eta nu jadi anak , ku sato pepencitan anu kacina gedena.

وتركنا عليه فى الاخرين .

Kami ngaabadikeun Ibrahim , pikeun jalma-jalma akhir zaman.

سلام على هبراهيم .

Kasaleman, kasinugerahan piken Ibrahim.

كذلك نجزى المحسنين . انه عبادنا المؤمنين .

Ku hal ieu, kami maparin balesan ka jalma-jalma anu ngalaksanakeun kahadean.

Saestuna Ibrohim kaasup hamba-hamba kami anu ariman.

 

ALLOHU AKBAR, ALLOHU AKBAR, WALILLAHILHAMD.

Kaum Muslimin, sidang Ied rahimakumulloh

Lima belas abad ka pengker, di kota Mina, Rosululloh SAW maparinan khutbah di payunen 115.000 umat muslimin nalika nglaksanakeun ibdah haji.

 

Tegesna khutbah pamungkas atanapi “khutbah wada”, margi tilu bulan sa atosna, Anjeuna wafat.

 

Dina khutbah Anjeuna maparinan amanat.

anjeuna nguningakeun:

تركت فيكم امرين لن تضلواماتمسكتم بهما كتاب الله وسنة نبيه

“ Kaula parantos ninggalkeun pikeun aranjeun dua perkara. Salamina aranjeun moal ssasar, nalika eranjeun kabeh nyekel pageuh kana dua pekara eta, tegesna Kitab Alloh (Al-Qur’an) sareng Sunnah Nabi-Nya ” (H.R. Ibnu Abdil Bar).

 

Wasiat Rosululloh dina haji wada ieu, janten perhatosan, supaya urang sadaya nyekel pageuh Al-Qur’an nu jadi pedoman kahirupan, kalawan dicontoan ku sunnah-sunnah nabi Muhammad SAW.

 

Sumangga urang pratekeun dina kahirupan sadidinten, ti kawit lingkungan alit, nyatana keluarga, ngbiasakeun tilawah Quran di bumi masing-masing, ciptakeun suasana islami/Qur’ani, diajarkeun nutup aurat ka murangkalih istri urang sadaya,

 

Teras majeng praktekeun kana kahirupan bertetangga, oge dina kahirupan luas sosial bermasyarakat, berbangsa, katut bernegara.

 

Mudah-mudahan urang sadaya dipaparinan kakiatan dina nyekel pageuh Al-qur’an anu jadi pedoman hirup urang sadaya, anu diconcoan ku sunnah-sunnah nabi urang sadya, Muhammad SAW.

 

Doa penutup:

(Sholawat .....)

اللَّهُمَّ اجْعَلْ جَمْعَنَا هَذَا جَمْعًا مَرْحُوْمًا، وَاجْعَلْ تَفَرُّقَنَا مِنْ بَعْدِهِ تَفَرُّقًا مَعْصُوْمًا، وَلا تَدَعْ فِيْنَا وَلا مَعَنَا شَقِيًّا وَلا مَحْرُوْمًا.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.

اللَّهُمَّ إِنَّا نَسْأَلُكَ أَنْ تَرْزُقَ كُلاًّ مِنَّا لِسَانًا صَادِقًا ذَاكِرًا، وَقَلْبًا خَاشِعًا مُنِيْبًا، وَعَمَلاً صَالِحًا زَاكِيًا، وَعِلْمًا نَافِعًا رَافِعًا، وَإِيْمَانًا رَاسِخًا ثَابِتًا، وَيَقِيْنًا صَادِقًا خَالِصًا، وَرِزْقًا حَلاَلاًَ طَيِّبًا وَاسِعًا، يَا ذَا الْجَلاَلِ وَالإِكْرَامِ

.
اللَّهُمَّ أَعِزَّ الإِسْلاَمَ وَالْمُسْلِمِيْنَ، وَوَحِّدِ اللَّهُمَّ صُفُوْفَهُمْ، وَأَجْمِعْ كَلِمَتَهُمْ عَلَى الحَقِّ، وَاكْسِرْ شَوْكَةَ الظَّالِمِينَ، وَاكْتُبِ السَّلاَمَ وَالأَمْنَ لِعِبادِكَ أَجْمَعِينَ

رَبَّنَا لا تُزِغْ قُلُوْبَنَا بَعْدَ إِذْ هَدَيْتَنَا، وَهَبْ لَنَا مِنْ لَدُنْكَ رَحْمَةً، إِنَّكَ أَنْتَ الوَهَّابُ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ

رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.

Washollillaahumma .....

Walhamdulillah ...

Wassalaamu alikum wr. wb